ქართული საბრძოლო ხელოვნება ქართული კულტურის ერთ-ერთი ძირძველი და განუყოფელი ნაწილია. როგორც ქართული კულტურა მსოფლიო კულტურის ნაწილს წარმოადგენს, ასევე ქართული საბრძოლო ხელოვნებაც ქართული კულტურის შემადგენელი ნაწილია. როგორც ქართულ კულტურას, ქართულ საბრძოლო ხელოვნებასაც გააჩნია თავისი თავისებურებები რითაც ის გამოირჩევა მსოფლიო საბრძოლო ხელოვნებებისგან. ამას განაპირობებს მისი თვითმყოფადობა, ადგილმდებარეობა, ხასიათი, დრო, ისტორია და ა.შ.

კავშირი"ქართული საბრძოლო ხელოვნება" არის ორგანიზაცია, რომელიც მიზნად ისახავს მთლიანად ქართული საბრძოლო ხელოვნების, და მასში გაერთიანებული, საბრძოლო სახეობების, საქართველოში საბრძოლო კულტურის, უძველესი საბრძოლო ტრადიციების შესწავლას, აღდგენასა და სისტემატიზაციას, ასევე მის ერში გაცოცხლებასა და კულტურის საკმაოდ მიმქრალი ინფორმაციის აქტუალიზაციასა და მიწოდებას ქართული საზოგადოებისათვის.

კავშირის მიზნებია: საქართველოს კულტურული მემკვიდრეობის კვლევა, აღდგენა-პოპულარიზაცია, კავშირის წევრთა თეორიული და პრაქტიკული ცოდნის გაღრმავება, საზოგადოების მოზიდვა და მათი ჯანსაღი ცხოვრების წესის ფორმირება ასევე მოზარდ თაობაში ქართული საბრძოლო ხელოვნების მსოფლმხედველობისა და პატრიოტული სულისკვეთების გავრცელება, ეროვნული ტრადიციების პროპაგანდა.

კავშირი "ქართული საბრძოლო ხელოვნება"- ის დროშა